Charas magistras e chars magisters
Stimadas dunnas e stimads signurs

Igl è vegnì infurmà davart il fatg che Meds d’instrucziun dal Grischun vegn ad avair en il sortiment mo pli ils agens meds d’instrucziun a partir da l’onn 2022. Ultra da quai midan ils locals da deposit lur lieu e l’Uffizi per la scola populara ed il sport vegn ad esser da nov responsabel per l’administraziun.

Pervia da quai ston vegnir fatgas l’atun 2021 intginas lavurs da midada. Plinavant sto la furniziun vegnir serrada ad interim.

dal 1. d’october fin ils 5 da november 2021	Vendita da tut ils meds d’instrucziun d’autras chasas edituras, fin che la provisiun tanscha, eventualmain po er vegnir furnida mo ina part. Nagin dretg da restituziun. Resguardai per plaschair: Las cundiziuns na valan BETG per artitgels che vegnan edids en nossa atgna chasa editura ” Meds d’instrucziun dal Grischun”.
ve, ils 5 da november	Ultim termin da furniziun per tut las empustaziuns da meds d’instrucziun.
ve, ils 5 da november fin ma, ils 30 da november	Ins po empustar artitgels che vegnan edids en nossa atgna chasa editura “Meds d’instrucziun dal Grischun”. Furnids vegnan ils artitgels però pir il december.
me, il 1. da december	La furniziun cumenza puspè. Resguardai per plaschair: A partir da quest mument cumpiglia il sortiment mo pli ils meds d’instrucziun che vegnan edids en nossa atgna chasa editura “Meds d’instrucziun dal Grischun”. Nus As cussegliain gugent davart la dumonda, nua che Vus pudais retrair ulteriurs meds d’instrucziun.